Braziliyanın "Sao Paulo" klubunun qapıçısı Rojerio Seni karyerası ərzində 131-ci qolunu vurub.
Milli.Az goal.az-a istinadən xəbər verir ki, bu Braziliya kubokunun 1/8 final mərhələsində "Ceara"ya qarşı cavab matçında baş verib. Belə ki, 42 yaşlı qolkiper oyunun 45-ci dəqiqəsində penaltidən fərqlənib. Bununla da R.Seni ən yaxşı qapıçı-bombardirlərin siyahısıda ilk pillədəki mövqeyini möhkəmləndirib.
"Ceara" - "Sao Paulo" görüşü ikincilərin 3:0 hesablı qələbəsi ilə başa çatıb.
Milli.Az