"Mançester Yunayted"in ciddi maraq göstərdiyi Neymar hazırkı klubu "Barselona" ilə müqaviləsini yeniləyə bilər.
Goal.az "Daily Mail"ə istinadən xəbər verir ki, katalon klubu braziliyalı futbolçuya 2021-ci ilə kimi nəzərdə tutulmuş yeni müqavilə təklif etmək niyyətindədir. Onun buraxılış qiyməti isə 250 milyon avro müəyyənləşdiriləcək. "Barsa" rəhbərliyi bunu mövsümün sonuna qədər həll etməyi planlaşdırır. Neymarın hazırkı müqaviləsi 2018-ci ildə başa çatır.
Qeyd edək ki, mətbuatda yayılan xəbərlərə görə, "Yunayted" Neymar üçün astronomik məbləğ təklif edir.
Milli.Az