Estoniya millisinin baş məşqçisi Maqnus Persson komandasının AVRO-2016 seçmə mərhələsi çərçivəsində Litva və Sloveniya ilə oynayacaqları matçlar üçün 23 nəfərlik siyahını açıqlayıb.
Milli.Az goal.az-a istinadən xəbər verir ki, Persson bu iki qarşılaşma üçün hazırda "Qəbələ" heyətində UEFA Avropa Liqasında çıxış edən hücumçu Sergey Zenyovu da dəvət edib.
Zenyov bu vaxta qədər ölkəsinin milli komandasında 44 oyunda meydana çıxıb və 9 qola imza atıb. Estoniya millisi Litva ilə sentyabrın 5-də evdə, Sloveniya ilə isə ayın 8-də səfərdə qarşılaşacaq.
Milli.Az