PUL
.jpg)
.jpg)
İspaniyanın "Barselona" klubu matçdan əvvəl İspaniyanın himnini fitə basmış fanatlarına görə cərimə ödəyəcək.
Milli.Az El Mundo-ya istinadən bildirir ki, İspaniyanın Zorakılıq, İrqçilik, Ksenofobiya və Dözülməzliklə Mübarizə Komissiyası "Basrelona"nı 66 min avro məbləğində cərimələyib.
Cərimənin 6 min avrosu İspaniya Kubokunun finalında oynanmış "Barselona"-"Atletik" matçından əvvəl stadionda İspaniya himni səslənəndə katalon azarkeşlərin kütləvi şəkildə fit çalmaları, 60 min avrosu isə "Kamp Nou" arenasında təhlükəsizliyin yetərli səviyyədə olmaması ilə bağlıdır.
İspaniya kralı 6-cı Felipe dövlət başçısı qismində ilk dəfə futbol matçına yollanmış və "Barselona"-"Atletik" oyununa baxmışdı. "Barselona" fanatları da İspaniya himni səslənəndə fit çalıblar, himnə və krala sayğısızlıq ediblər.
Bundan başqa, "Barselona" azarkeşlərinin "Catalunya Accio" independist qruplaşması tribunalarda himnin fitə basılmasını təşkil etdiyinə görə 100 min avro, daha 11 azarkeş qrupunun hər biri 70 min avro məbləğində cərimələnib.
İspaniyanın Kral Futbol Federasiyası bu matçdakı olaylara görə 123 min avro, "Atletiko" isə "süstlüyə görə" 18 min avro cərimə ödəməlidir.
Qərardan narazı qalmış "Barselona" şikayətlənmək niyyətindədir.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.png)
.jpg)
