Argentina və "Mançester Yunayted"in keçmiş futbolçusu Xuan Sebastyan Veron bir sıra sualları cavablandırıb.Goal.az həmin müsahibəni təqdim edir.
- Argentina millisi ardıcıl növbəti finalda uduzdu...
- Final təəssüratları yaxşı deyil. Çünki bütün ölkə qələbə gözləyirdi. Amma uşaqlar final fitinə kimi mübarizə apardılar. Penaltilər seriyası futbol lotoreyasıdır. Burda isə Çilinin bəxti gətirdi.
- Di Marianın zədəsi Argentina millisinin oyununa öz təsirini göstərdi.
- Bəli, razıyam. Deyə bilərəm ki, mundialın finalında Di Marianın yeri görünürdü.
- Siz də Amerika Kubokunun finalında bir dəfə məğlub olmusunuz. 8 il öncə Argentina finalda Braziliyaya uduzmuşdu.
- Baxmayaraq ki xoş xatirələr deyil, həmin oyunu unutmamışam. Braziliya bizə qalib gəlməklə 8-ci dəfə çempion oldular. Bizdə isə çempionluq sayı 14-dür.
- 2007-ci ildəki finalda komandada gənc Messi də çıxış edirdi. Onun haqqında iki fikir var. Bəziləri hesab edir ki, Leo Maradonanı geridə qoyub. Bəziləri isə onun millidə özünü lazımınca göstərə bilmədiyini deyir.
- Leo böyük uğurlara nail olmuş böyük futbolçudur. Şübhə etmirəm ki, Messi Argentinanı dünya çempionu edəcək. Rusiyada keçiriləcək mundialda bizdən yalnız qələbə gözləyəcəklər. Həmişə olduğu kimi.
- Rusiyada bir neçə dəfə olmusunuz. 2018 mundialına da gedəcəksiniz?
- "Parma" UEFA Kubokunun finalında "Marsel"ə 3:0 məğlub etmişdi. Həmin final oyunu Moskvada baş tutmuşdu. Moskva mənim üçün düşərli şəhərdir. Dünya çempionatına mütləq gələcəm. Həm də Rusiyada bir sıra dostlarım var. Orda darıxmayacam.
Milli.Az