"Atletiko Madrid"in eks futbolçusu Diyeqo Forlan karyerasının son illərinin vətənində keçirməyi qərara alıb.
Goal.az xəbər verir ki, veteran hücumçu Uruqvayın ən titullu klubu sayılan "Penarol"la müqavilə imzalayıb. O, klubda 10 nömrəli futbolka ilə çıxış edəcək. Forlanın son klubu Yaponiyanın "Sereso Osaka" komandası olub. O, karyerası ərzində "Manchester United", "İnter", "Villareal" klublarının da formasını geymişdi. Forlan 2010-cu ildə CAR-da keçirilmiş dünya çempionatının ən yaxşı futbolçusu seçilmişdi.
Milli.Az