Növbəti 7 ildə karyeramı bitirmək barədə danışmaq istəmirəm. Məqsədim budur. Sonrasına baxarıq.
Goal.az xəbər verir ki, "Arsenal"ın yeni transferi Petr Çex gələcək planları barədə danışarkən bu fikirləri səsləndirib. O, əsas heyətdə oynamaq üçün mübarizə aparacağını söyləyib.
"Futbolda nə olacağını heç kim deyə bilməz. Bir şeyi planlaşdıra bilərsən, lakin istədiyin nəticə alınmaz. Amma futboldan getmək kimi planım yoxdur. "Arsenal"a transfer olunmağımı gözləmirdim. Ancaq keçid baş tutduğu üçün şadam. Yeni sınaqlara hazırlaşıram. Sadəcə, öz işimi görüb əsas heyətdə yerə layiq olduğumu göstərəcəm".
Qeyd edək ki, Petr Çexin "Arsenal"dakı rəqibləri Voyçex Şesnı və David Ospinadır.
Milli.Az