"Qarabağ"ın futbolçusu Leroy Corc Türkiyə Superliqasında oynaya bilər.
Qol.az-ın Türkiyənin "Sabah" qəzetinə istinadən yaydığı xəbərə görə, 12 ildən sonra yüksək liqaya vəsiqəyə qazanan "Göztepe" klubu hollandiyalı oyunçunu transfer etmək istəyir.
Həm sağ, həm də sol cinahda oynamağı bacaran 28 yaşlı yarımmüdafiəçi ilə artıq klub nümayəndələrinin ilkin danışıqlara başladığı bildirilib. L.Corcun oyununu komandanın baş məşqçisi Metin Diyadinin bəyəndiyi qeyd olunub.
Xatırladaq ki, L.Corc 2013-cü ildən "Qarabağ"da oynayır.
Milli.Az