İdman

“Çempionat gələn mövsüm daha maraqlı olacaq”

23 May 2015 10:15

0 Şərh Baxış: 624

"Həm "Qarabağ"ı, həm də "İnter"i təbrik edirəm. Çempionatın necə keçməsi haqda mənim nəsə deməyim yersiz olar. Klublarımızın avrokuboklardakı oyunlarından sonra yəqin sübuta yetəcək ki, çempionat necə ədalətli keçib".

Qol.az-ın məlumatına görə, bu sözləri Peşəkar Futbol Liqasının (PFL) prezidenti Ramin Musayev "İnter" - "Qarabağ" matçından sonra jurnalistlərə deyib.

R.Musayev gələn mövsüm Premyer Liqada iştirak edəcək komandaların sayı haqda da məlumat verib:

"Onu deyə bilərəm ki, çempionat gələn mövsüm builkindən maraqlı olacaq. Bunu əminliklə deyirəm. Gələn mövsüm Premyer Liqada ən azı 10 komanda mübarizə aparacaq. Bu rəqəm 12 də ola bilər. Yaxşı sponsor tapsanız, gətirin 12 komanda olsun (gülür)".

Milli.Az