İngiltərə Futbol Federasiyasının İntizam Komitəsi "Çelsi"nin apellyasiya şikayətini müsbət cavablandırıb.
Qol.az-ın "Sky Sports"a istinadən verdiyi məlumata görə, İK "Vest Bromviç"lə Premyer Liqa matçında London təmsilçisinin birbaşa qırmızı vərəqə alaraq meydandan qovulan futbolçusu Sesk Fabreqasın cəzasını yüngülləşdirib.
İspaniyalı futbolçunun cəzası 3 oyundan bir matça endirilib. Beləliklə Premyer Liqanın son turunu buraxacaq Fabreqas yeni mövsümün ilk oyununda komandasına kömək edə biləcək.
Qeyd edək ki, "Vest Bromviç" - "Çelsi" matçı 3:0 hesabı ilə meydan sahiblərinin xeyrinə başa çatıb.
Milli.Az