Bu barədə Milli.Az-a açıqlama verən Qeyrət Əliyev bildirdi ki, bu xəbərdəki foto və videolar ona aid deyil: "Siz jurnalistlərə böyük hörmətim var. Sizin işiniz yazmaq, bizimki isə futbol oynamaqdır. Amma siz də gərək hər daxil olan məlumatı həmin dəqiqə yox, araşdırıb doğru olub-olmadığını yoxlayıb verəsiniz. Mənim pisliyimi istəyən şəxslər ayağımın altını qazmaq üçün sizə bu foto və videoları göndəriblər. Onları mən eləmiş olsaydım, inanın ki, danmazdım və etiraf edərdim.Bir neçə gün öncə "Bakı" klubunun gənc futbolçusu Qeyrət Əliyevin avtomobili 250 km/saat sürət ilə idarə etməsi xəbərini vermişdik
Maşın mənim üçün sadəcə, bir dəmirdi. Bununla fəxr etmək, yekəxanalıq etmək mənlik deyil. Şəkillərdəki mənim maşınımdı. Videolarda və spidometrlər olan şəkillər isə mənim deyil. Videolardakı mənim avtomobilimin modelindəndir. Amma göründüyü kimi oradakı maşın kupedi məndə isə 4 qapılı. Model eynidi, ancaq fərqli maşındı. Onları maraq üçün yükləmişəm öz səhifəmə və orada deməmişəm ki, bu sürən mənəm. Bir çoxlarına bu cür tanınmaq, bəlkə də, xoşdur, amma mənə lazım deyil bu cür tanınmaq. Məni tanıyan oyunuma görə tanısın. Bu, mənim karyerama ziyandı. Bəlkə də eşidiblər ki, bir çox klublar mənimlə maraqlanır və ayağımın altını qazmaq üçün bu yola əl atıblar. Amma mənim belə şeylərdən qorxum yoxdu. Öz yoluma davam edəcəm".
Uyğun link: