AVRO-2016-nın təsnifat mərhələsində Serbiyanı məğlub edən Portuqaliya millisi I qrupunda liderliyi ələ keçirib.
Milli.Az goal.az-a istinadən xəbər verir ki, Portuqaliyanın baş məşqçisi Fernandu Santuş qələbəni belə şərh edib:
"İstəmirdik ki, rəqib bizə öz oyununu diqtə etsin. Öz futbol fəlsəfəmizə sadiq qalmalı idik. Serbiya millisinə hörmət edirik. Komandam bu gün əzmkar oyun göstərdi. Ronaldunun necə mübarizə apardığını və meydanın hər nöqtəsində yoldaşlarına kömək etdiyini gördük. Bu nəticə qarşıdakı oyunlarda komandanın özünəinamını artıracaq. İstəmirəm ki, futbolçular Avropa çempionatına vəsiqəni təmin etdiklərini düşünsünlər. Bu qələbə sayəsində taleyimiz yenə də öz əlimizdədir. Qarşıda 3-ü səfərdə, 1-i evdə olmaqla 4 oyun var. Bu əhval-ruhiyyə ilə bizə qalib gəlmək çətin olacaq".
Milli.Az