Apasport.az saytının məlumatına görə, 4 gün davam edəcək V turda öncə C, E və G qrupunun matçları baş tutub.
C qrupunun lideri Slovakiya millisi autsayder Lüksemburq yığması ilə üz-üzə gəlib və rəqibini 3:0 hesabı ilə məğlub edib. 2-3-cü yerləri bölüşən İspaniya Ukraynanı sınağa çəkib. 28-ci dəqiqədə Alvaro Moratanın vurduğu tək qol Visente del Boskenin yetirmələrinə 3 xal qazandırıb.
E qrupunun vahid lideri İngiltərə Litva ilə münasibətlərinə aydınlıq gətirib. Böyük Britaniya təmsilçiləri 4:0 hesabı ilə rəqibini üstələyib. İsveçrə Estoniyanı 2:0, Sloveniya San-Marinonu 6:0 hesabı ilə məyus edib.
G qrupunda isə eyni xala malik Rusiya ilə Monteneqro qarşılaşıb. 66-cı dəqiqədə futbolçular arasında toqquşma nəticəsində oyun yarımçıq dayandırılıb.
Lixtenşteynin qonağı olan lider Avstriya darmadağına sevinib - 0:4. Son pillədə yer alan Moldova İsveçi qəbul edib. Skandinaviya təmsilçisi Zlatan İbrahimoviçin dublu sayəsində səfərdən 3 xalla qayıdıb.
Qqeyd edək ki, Azərbaycan millisinin yer aldığı H qrupunun matçları bu gün keçiriləcək. Komandamız Tofiq Bəhramov adına Respublika stadionunda Malta yığmasını sınağa çəkəcək.
AVRO-2016-nın seçmə mərhələsi, V tur
C qrupu
İspaniya - Ukrayna - 1:0
Slovakiya - Lüksemburq - 3:0
Makedoniya - Belarus - 1:2
E qrupu
İngiltərə - Litva - 4:0
İsveçrə - Estoniya - 3:0
Sloveniya - San-Marino - 6:0
G qrupu
Monteneqro - Rusiya - 0:0 (Yarımçıq dayandırıldı)
Lixtenşteyn - Avstriya - 0:5
Moldova - İsveç - 0:2
Milli.Az
Böyütmək üçün şəkillərə klikləyin.