İdman

"Qarabağ"ın 18 oyunluq seriyası qırıldı

2 Mart 2015 11:13
0 Şərh     Baxış: 879
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Qarabağ"ın ev qarşılaşmalarındakı məğlubiyyətsiz oyunlar seriyası qırılıb.
 

Milli.Az-ın PFL-in saytına istinadən yaydığı xəbərə görə, 2014-cü il fevralın 1-də "Xəzər Lənkəran"a 0:1 hesabı ilə uduzandan sonra Ağdam təmsilçisi ardıcıl 18 ev matçında xal qazanmışdı.
 

Uğurlu seriya Azərbaycan Premyer Liqasının XXIV turunun "Qəbələ" ilə oyunundakı 0:1 hesablı məğlubiyyətlə qırılıb. Bu müddətdə 13 qələbə qazanıb, 5 heç-heçə edən Qurban Qurbanovun futbolçuları 392 gündən sonra öz meydanlarında xalsız qalıblar. Bu da klub tarixində 3-cü göstəricinin təkrarıdır. 1992-93-cü illərdə 33, 1997-98-ci illərdə 23 ardıcıl ev oyununda uduzmayan ağdamlılar 2009-10-cu illərdə indiki kimi 18 matçlıq seriyaya imza artmışdılar.
 

Qeyd edək ki, "Qarabağ"ın 6 oyunluq qələbə seriyası da qırılıb. 2014-cü il dekabrın 14-də səfərdə "Qəbələ"yə 1:2 hesabı ilə uduzan ağdamlılar 75 gün ərzində keçirdikləri 6 çempionat matçının hamısında qalib gəlmişdilər. Son çempionun seriyasını qıran "Qəbələ" Premyer Liqada yubiley - 100-cü qələbəsini qazanıb. Əyalət təmsilçisi çempionatda 100 və daha çox qələbə qazanan 11-ci komanda olub.

Qəbələnin eyniadlı klubunadək "Neftçi" (385), "Qarabağ" (343), "Turan" (250), "Kəpəz" (239), "Bakı" (216), "İnter" (214), "Xəzər Lənkəran" (155), "Şəmkir" (132), "Viləş" (119), AZAL (109) 100-ü arxada qoyub.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.