Millimizin qapıçısı Emil Balayevin komandası Frankfurt "Eintracht"ında növbəti ayrılıq baş verib.
Milli.Az goal.az-a istinadən xəbər verir ki, Frankfurt təmsilçisinin əsas qapıçısı Timo Hildebrandla müqaviləyə xitam verilib.
ABŞ klublarından təklif almasına baxmayaraq, mövsümün sonuna qədər komandada qalacağı bildirilən 35 yaşlı qolkiperə baş məşqçi Tomas Şaaf ehtiyac duymayıb.
Baş məşqçi bundan sonra bir nömrəli qapıçı kimi Kevin Trappa etibar edəcək. Feliks Vidvald ikinci, həmyerlimiz Emil Balayev isə üçüncü qapıçı kimi öz şansını gözləyəcək.
Emil Balayev "Ayntraxt"a ötən ay "Neftçi"dən transfer olunmuşdu.
Milli.Az