"Real" (Madrid) klubunun yarımmüdafiəçisi Qaret Beyl "Mançester Yunayted"ə transfer olunacağı ilə bağlı yayılan xəbərlərə münasibət bildirib.
Milli.Az qol.az-a istinadən xəbər verir ki, "Marca" qəzetinə danışan uelsli futbolçu özünü "Mançester Yunayted"in oyunçusu kimi təsəvvür etmədiyini deyib:
"Özümü "Mançester Yunayted"in futbolçusu kimi təsəvvür etmirəm. Müsahibələrimin birində özümü "Real"da çox xoşbəxt hiss etdiyimi bildirdim. "Real"la uzunmüddətli müqaviləm var və klubda işlərim yaxşı gedir. Ötən mövsüm kuboklar qazandım və bu uğuru davam etdirmək istəyirəm".
Qeyd edək ki, Beyl 2013-cü ildə "Tottenhem"dən "Real" (Madrid) klubuna transfer olunub.
Milli.Az