İdman

Sxadadzenin rəhbərlikdən tələbi

19 Dekabr 2014 21:14
0 Şərh     Baxış: 746
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#İDMAN
Topaz Premyer Liqasının XVII turunda "Neftçi"yə qalib gələn "İnter" qış fasiləsindən öncə sonuncu oyununu "Qəbələ"yə qarşı keçirəcək. Milli.Az apasport.az-a istinadən xəbər verir ki, bu görüşdən sonra məşqçilər korpusu heyətlə bağlı islahatlara başlayacaq.

Məlum olduğu kimi, Slavço Georgiyevskinin "bankirlər"lə vidalaşacağı gündəmdədi. Baş məşqçi Kaxaber Sxadadze hələlik makedoniyalı futbolçuya "get" deməyib. Bununla belə, onun "İnter"də qalacağı inandırıcı görünmür. Əsas heyətə düşməkdə çətinlik çəkən İvan Benitesin durumuna aydınlıq gəlməyib. İspan müdafiəçinin paytaxt klubu ilə yaya kimi müqaviləsi var. Məhz bu səbəbdən klub rəhbərliyi onunla vidalaşa bilmir.

"İnter" qış transferi dövründə heyətinə yeni futbolçular da qatacaq. Kaxaber Sxadadze rəhbərliklə görüşündə hücumçu alınmasını tələb edib. Onun istəyindən sonra axtarışa başlanılsa da, hələlik "bankirlər" istədikləri səviyyədə hücumçu tapa bilmirlər.

Bir məqamı da qeyd edək ki, qış transferi dövründə "İnter"dən heç bir yerli futbolçu göndərilməyəcək.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.