İdman

Reytinq açıqlandı: "Qarabağ" yaxşıdır, yoxsa "Neftçi"?

24 Oktyabr 2014 13:51
0 Şərh     Baxış: 1 466
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Avrokubokların qrup mərhələsinin III turundan sonra UEFA-nın klublar üçün yeni reytinq cədvəli açıqlanıb.

Milli.Az apasport.az-a istinadən xəbər verir ki, bu həftə baş tutan 44 qarşılaşma müəyyən dəyişikliklərə səbəb olub.

Bunlar siyahıda yer alan Azərbaycanın 7 komandasının mövqeyinə də təsir edib. Avropa Liqasında Ukrayna "Dnepr"ini 1:0 hesabı ilə məğlub edən "Qarabağ" növbəti sıçrayışına imza atıb. Ağdam klubu artıq Azərbaycanın cədvəldəki ən yaxşı komandasıdır. Uzun müddətdir "Neftçi"dən geri qalan, amma bakılıları keçməyə can atan Qurban Qurbanovun yetirmələri istəklərinə çatıblar.
 

Hazırda 9,400 xalı olan "Qarabağ" son 5 mövsümün yekunlarına əsasən, qitənin 164-cüsüdür. "Neftçi" isə 8,900 xalla 177-ci pillədə qərarlaşıb.
 

Digər təmsilçilərimiz isə xeyli geridə qalıblar. 4,900 xalı olan "İnter" 270-ci, 4,150 xala malik "Xəzər Lənkəran" 298-ci yerdə qərarlaşıb. "Bakı" isə 340-cı (3,150) pillədə yer alıb. "Qəbələ" ilə AZAL hərəyə 2,650 xal toplamaqla 363-cü yerə şərikdir.
  

Qeyd edək ki, 454 komandanın yer aldığı siyahıya İspaniya "Real"ı başçılıq edir - 150,285 xal.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.