Avropa Liqasının qrup mərhələsinin III turunda keçirilən "Slovan" (Slovakiya) - "Sparta" (Çexiya) matçı sonacan oynanılmayıb.
Milli.Az apasport.az-a istinadən xəbər verir ki, Bratislavada baş tutan görüşün ilk hissəsinin sonuna 5 dəqiqə qalmış baş hakim qarşılaşmanı dayandırıb.
Buna "Pasenki" stadionuna toplaşan azarkeşlər arasında qalmaqalın yaranması səbəb olub.
Belə ki, hesab 0:0 olarkən, qonaq komandanın azarkeşləri digər tribunaya keçərək, yerli azarkeşlərlə dava etməyə başlayıblar.
Aranın qarışdığını görən futbolçular və məşqçilər meydanı tərk ediblər və bir çox azarkeşlər isə stadiondan qaçıblar.
Milli.Az