UEFA hakimlər Komitəsinin sədri Pyerluicci Kollina Çempionlar Liqasında beyin silkələnməsi haqqında qaydaların bu həftə qüvvəyə minməsindən razıdır.
Milli.Az goal.az-a istinadən xəbər verir ki, FİFA və UEFA tərəfindən razılıq verilmiş yeni qaydalara görə bu tipli zədə alan oyunçunun meydanda müayinəsi məqsədilə referi görüşü 3 dəqiqə saxlamaq imkanına malik olacaq. Müayinədən sonra yalnız həkim futbolçunun oyuna davam edib-etməyəcəyinə qərar verəcək.
Bu qərarın verilməsinə bir neçə hadisə səbəb olub. Belə ki, 2014 Mundialında uruqvaylı Alvaro Fereyra və Kristof Kramer, Premyer Liqada isə Romelu Lukaku və Huqo Lyoris belə zədələr almışdılar. Lyoris buna baxmayaraq, oyuna sonadək davam etmişdi.
Milli.Az