Ukrayna klubunun futbolçusu Yevgeni Konoplyankaya təkliflər gəlməkdə davam edir.
Milli.Az qol.az-a istinadən xəbər verir ki, "Milan", "İnter", "Roma" və "Liverpul"un ardından "Borussiya" (Dortmund) klubu da 25 yaşlı futbolçuya "elçi" düşüb.
Dortmund təmsilçisinin baş məşqçisi Yurgen Klopp yanvar ayından gənc futbolçunu komandasında görmək istəyir. Lakin Dnepropetrovsk təmsilçisi gələn bütün təklifləri rədd edərək Konoplyanka ilə anlaşıb. Bu isə o deməkdir ki, Ukrayna millisinin üzvü qışda da komandada qalacaq.
Qeyd edək ki, həm "Dnepr", həm İtaliya "İnter"i "Qarabağ"ın Avropa Liqasının qrup mərhələsindəki rəqibidir.
Milli.Az