"Qarabağ"ın Avropa Liqasının qrup mərhələsində debüt oyununa 2 gün qalıb
Milli.Az fanat.az-a istinadən xəbər verir ki, rəqib Fransanın "Sent-Etyen" klubudur.
Bu klubun tarixinə ekskurs etdikdə ən maraqlı məqam vaxtilə "ağ-yaşıllar"ın sıralarında UEFA-nın hazırkı prezidenti Mişel Platininin oynamasıdı.
Fransa futbolunun canlı əfsanəsi 1979-1982-ci illər aralığında "Sent-Etyen"in şərəfini qoruyub. "Qarabağ"ın rəqibinin sıralarında 1 dəfə Fransa çempionluğunu yaşamış Platini 2 dəfə də ölkə Kubokunun finalında iştirak edib.
Platini "Sent-Etyen"in heyətində ümumilikdə 104 oyun keçirib və bu görüşlərdə 58 dəfə fərqlənməyi bacarıb.
Milli.Az