Meksikanın "Keretaro" klubuna transfer olunan Braziliya millisinin sabiq hücumçusu Ronaldinyo təqdimat mərasimində irqçi şüarla qarşılaşıb.
Milli.Az qol.az-a istinadən xəbər verir ki, meksikalı siyasətçi Karlos Nunez Manuel Trevino braziliyalı futbolçunu "meymun" adlandırıb.
Trevino Facebook sosial şəbəkəsindəki səhifəsində belə yazıb: "Tolerantlı davranmağa çalışıram, ancaq futboldan nifrət edirəm. Çünki insanlar küçələrə axışır, yollar bağlanır. Nəticədə mənim evə qayıtmağım 2 saat çəkir. Həm də bütün bunlar bir "meymun" üçün. braziliyalıdır, amma yenə də "meymun"dur".
Qeyd edək ki, bu paylaşımdan sonra böyük təzyiqlə üzləşən siyasətçi yazdıqlarını silib.
Milli.Az