Azərbaycan gənclər və idman nazirliyi və AFFA Tofiq Bəhramov adına Respublika stadionunun qazonunu dəyişdirməyə qərar verib. Azerisport.az xəbər verir ki, hazırda bu stadionun qazonu tamamilə sıradan çıxıb.
Məhz bu üzdən sözügedən qurumlar vəziyyətdən çıxış yolunu qazonu dəyişdirməkdə görür. Artıq bir sıra tanınmış şirkətlərlə danışıqlara start verilib. Mərkəzi arena üçün yeni qazon da seçilib. Həmin qazonun stadiona sentyabr ayında sərilməsi gözlənilir.
Beləliklə, Azərbaycan çempionu "Qarabağ" Avropa Liqasının qrup mərhələsi çərçivəsində Fransa "Sent-Etyen"inə qarşı ev oyununu mərkəzi arenada keçirə biləcək. Həmin görüş sentyabrın 18-də baş tutacaq.
Milli.Az