"Şuşa" Futbol Klubu "Qarabağ" komandasını Avropa Liqasının qrup mərhələsinə vəsiqə qazanması münasibəti ilə təbrik edib.
Milli.Az xəbər verir ki, bu haqda qol.az saytına klubun baş direktoru Azəri Hüseynov məlumat verib.
"Şuşa" klubunun kollektivi "Qarabağ"ın tarixi qələbəsinə görə çox sevinir. "Qarabağ" klubunun Avroliqanın qrupundakı çıxışı Qarabağın Azərbaycanın ayrılmaz tərkib hissəsi olduğunu bütün dünyaya bir daha sübut edəcək. Biz "Qarabağ"ın rəhbərliyini, məşqçi heyəti və futbolçuları səmimi qəlbdən təbrik edir, onların uğurlu çıxışını qrup mərhələsində də davam etdirəcəyinə inanırıq" - deyə A.Hüseynov bildirib.
Milli.Az