Avropa Liqasının pley-off mərhələsinin ilk oyunu çərçivəsində sabah "Qarabağ"ın qonağı olacaq "Tvente" klubu Bakıya itki ilə gəlir.
Milli.Az-ın qol.az-a istinadən verdiyi məlumata görə, Enshede təmsilçisinin kapitanı Andreas Byelland zədə səbəbindən "Qarabağ"la ilk oyunu buraxacaq.
Qabırğasındakı zədəsi tam sağalmayan futbolçunun Bakıya gətirilməməsi məsləhət görülüb. Lakin futbolçunun həftəsonu Hollandiya çempionatında və "Qarabağ"la cavab matçında iştirak edəcəyi gözlənilir.
Qeyd edək ki, sabah Tofiq Bəhramov adına Respublika stadionunda keçiriləcək "Qarabağ" - "Tvente" oyunu saat 21:00-da başlanacaq.
Milli.Az