"Zalsburq" klubunun müdafiəçisi Andre Ramalyo Çempionlar Liqasının III təsnifat mərhələsində Bakıda məğlub olduqları "Qarabağ"la oyunu (1:2) şərh edib.
Milli.Az qol.az-a istinadən xəbər verir ki, braziliyalı futbolçu oyunun onlar üçün ağır keçdiyini bildirib:
"Oyun bizim üçün ağır keçdi. "Qarabağ" yaxşı komandadır. Rəqib sürətli oynayır. Ancaq inanıram ki, cavab matçında qələbə qazanaraq, mərhələni adlayacağıq. Doğma meydanımızda azarkeşlərimiz və prezidentimiz üçün oynacağıq. İlk iki qırmızı vərəqə haqlı idi. Lakin Reynaldonun epizodunu görmədim. Ona görə də bu haqda heç nə deyə bilmərəm".
Qeyd edək ki, bu komandalar arasında cavab matçı avqustun 6-da Avstriyada keçiriləcək.
Milli.Az