"Neftçi" klubunun yarımmüdafiəçisi Mirhüseyn Seyidovun qol.az saytına müsahibəsi
- Avropa Liqasının II təsnifat mərhələsinin ilk oyununda "Koper"ə uduzsanız da, səfər qarşılaşmasında qalib gələrək mərhələni adlayan tərəf oldunuz. Sloveniyaya hansı ümidlərlə yollanmışdınız?
- "Koper"lə ilk oyunda yaxşı oynasaq da, məğlub olmuşduq. Səfərə isə yalnız qələbə üçün getmişdik. Çalışırdıq ki, mərhələni keçməsək də, qalib gələk. Sübut etmək istəyirdik ki, ən azından "Koper"dən zəif deyilik. Futbolçularımıza minnətdarlıq edirəm, sağ olunlar, hamısı yaxşı oynadı. Bunun nəticəsində 2:0 hesabı ilə qalib gəldik.
- "Neftçi"nin mərhələ keçəcəyinə çoxları inanmırdı.
- Mən məhz bizə inananları təbirk edirəm. "Koper" bizə beş qol vurmamışdı ki, ümidimizi itirək. Futbolda iki qol heç nə demək deyil. Əsas odur ki, komandada istək olsun. Biz də kollektiv oyunumuzun sayəsində bu işin öhdəsindən gəldik. Həddindən artıq istəkli olmağımız bizə stimul verdi.
- Start heyətdə meydana daxil oldun və komandanın vacib qolunu vurmaqla baş məşqçinin etimadını doğrultdun. Ancaq qol vurduqdan sonra sevincin hiss olunmadı.
- Düzdür, çılğın şəkildə sevinmədim. Çünki ilk qolumuz idi. Bizə ikinci qol da lazım idi. Ona görə də bir az soyuqqanlı oldum. Şükürlər olsun ki, komandamın vacib qollarından birini vurdum. Əlbəttə ki, çox sevindim. Ancaq heç vaxt qolu kim vurmağına önəm verməmişəm.
- Baş məşqçiniz Böyüka Hacıyev "Koper"lə ilk oyundan sonra keçirilən mətbuat konfransında bildirmişdi ki, cavab oyununun nəticəsindən asılı olmayaraq istefa verəcək. O, futbolçularla oyunqabağı söhbətində bu sözlərini xatırlatmışdı?
- Xeyr, söhbətimiz olmamışdı. Ancaq mətbuatdan oxumuşdum ki, baş məşqçimiz belə söz deyib. "Koper"lə oyundan sonra keçirilən mətbuat konfransında jurnalistlər Böyükağa müəllimi bir qədər sıxıblar. Ola bilər ki, o da hirsindən elə bir ifadə işlədib. Onu deyə bilərəm ki, baş məşqçimiz bizi ikinci oyunda tam qələbəyə kökləmişdi, taktikanı da çox düzgün vermişdi. Nəticədə qalib gəldik. Hazırda baş məşqçimiz bizimlə birgədir. Onun "Neftçi"dən gedib-getməyəcəyi özündən və rəhbərlikdən asılıdır. Böyükağa müəllim sübut etdi ki, "Koper"lə Bakıdakı oyunun nəticəsi təsadüfi olub.
- Növbəti rəqibiniz olan Gürcüstanın "Çixura" klubu isə sizə tanış komandadır.
- Bəli, "Çixura"nı tanıyırıq. Keçən ay təlim-məşq toplanışında bu komanda ilə yoxlama oyunu keçirmişik. Rəqibimiz adlı-sanlı deyil, normal komandadır. Necə deyərlər, bizim "dişimizə" görə bir rəqibdir. Yenə də onların "Bursaspor"la oyunlarını analiz etməliyik. "Çixura" "Bursaspor"u keçibsə, deməli, asan rəqib deyil. Çox ciddi şəkildə oyuna motivasiya olmalıyıq. "Koperlə səfər matçında göstərdiyimiz oyunu nümayiş etdirə bilsək, "Çixura"nı keçmək də bizim üçün problem olmayacaq.
- Ancaq yoxlama oyununda "Çixura"ya uduzdunuz.
- Yoxlama görüşündə tam heyətlə oynamamışdıq. Gənclərə də şans verilmişdi. Həm də rəsmi oyun tam fərqli olur. Sınaq matçında bu rəqibə məğlub olmağımız heç nə demək deyil. "Çixura" bizim üçün normal rəqibdir. Ona görə də hər iki oyunda qələbə qazanmağı düşünürük.
- Rəqib komandanın baş məşqçisi və futbolçuları müsahibələrində bildiriblər ki, "Bursaspor"u keçdikləri üçün "Neftçi" səddini də adlayacaqlarına inanırlar.
- Əlbəttə ki, "Bursaspor"u keçdiyi üçün "Çixura"ya böyük həvəs gəlib. Biz də bundan dərs götürməliyik. Deməli, düşündüyümüz qədər də asan rəqib deyil. "Bursaspor" "Koper"dən güclü komandadır. Ona görə də "Çixura" futbolçuları fikirləşə bilərlər ki, biz daha güclü komandanı mübarizədən kənarlaşıdırmışıq.
Milli.Az
DİGƏR XƏBƏRLƏR
XƏBƏR LENTİ
- Azərbaycanda aparıcının evini yandırıblar? - RƏSMİ CAVAB - VİDEO
- Rusiyalı polkovnik də “Krokus”da öldürülüb
- “Betis”dən Bəhlul Mustafazadənin transferinə MÜNASİBƏT
- Azərbaycan cəmiyyəti sərhəd kəndlərin azad ediləcəyinə inanır - SORĞU
- Sabir Rüstəmxanlı: "Gənc qızlar ana olmaq istəmirlər"
- Azərbaycanda bu maşınlar kəskin ucuzlaşdı
- Kişilərin 5 il erkən pensiya hüququ tanınacaq
- Türkiyəli aktyor vida mərasimində maşınla adam vurdu - FOTO
- Nazim Bəydəmirlinin həbs müddəti uzadıldı
- Yalnız bu qadınlar pensiyaya tez çıxa biləcək
- AVRO-2024: Fransa favorit, Gürcüstan autsayder
- Bu halda ipotekaya xitam veriləcək
- Xaçmaz sakininin mədəsindən çəngəl çıxdı
- Füzulidə daha 35 ailəyə mənzillərinin açarları təqdim olunub - YENİLƏNİB - FOTO
- Papa məhbus qadınların ayaqlarını yuyub öpdü - VİDEO
- Daha bir qanunsuz tikili söküldü - VİDEO
- Müharibə veteranları üçün yeni güzəşt müəyyənləşir
- Bu şəxslərin maaşı artırılır
- Məşhur futbolçu uşaqlarının atasının başqası olduğu öyrəndi - FOTOlar
- “Heç kim havadan pul vermir”
- Paşinyanı tənqid edən erməni polkovnikin evində axtarış aparıldı - VİDEO
- Nobel mükafatı laureatı Azərbaycanda rektorun müşaviri TƏYİN EDİLDİ
- Ramiz Mehdiyevdən məhkəməyə verilməsi xəbərinə REAKSİYA
- "Onun üçün çox darıxıram" - Elçin Cəfərov