İdman

Lempard "Çelsi"dən getdi

25 İyul 2014 14:42

0 Şərh Baxış: 727

#İDMAN

Frank Lempard ABŞ-ın "Nyu York Siti" klubu ilə razılığa gəlib. Milli.Az xəbər verir ki, bu barədə Trend klubun saytına istinadən məlumat verir.

ABŞ-ın MLS çempionatının növbəti mövsümünə 2015-ci ilin mart ayında start veriləcək. Çempionat başlayana kimi F.Lempard ikinci komandada - "Nyu York Melburn Siti" klubunda çıxış edəcək.

Qeyd edək ki, 36 yaşlı ingilis futbolçu 2001-ci ildən "Çelsi" klubunun şərəfini qoruyur. Bu müddət ərzində o, İngiltərə çempionu (2005, 2006, 2010), İngiltərə kubokunun sahibi (2007, 2009, 2010, 2012), Futbol Liqası kubokunun qalibi (2005, 2007), həmçinin Çempionlar Liqası (2012) və Avropa Liqasının (2013) qalibi titullarını qazanıb.

Milli.Az