"Xəzər Lənkəran"ın baş məşqçisi Mustafa Dənizli "Qalatasaray"ın çalışdırıcısı Roberto Mançiniyə məsləhət verib.
Qol.Az-ın Türkiyə mətbuatına istinadən verdiyi məlumata görə, təcrübəli mütəxəssis deyib ki, İstanbul klubunun Çempionlar Liqasının 1/8 finalında "Çelsi" ilə matçda futbolçusu Didye Droqbanın oynatması yanlış qərar ola bilər. O hesab edir ki, kot-d`ivuarlı hücumçu keçmiş klubuna qarşı istənilən oyunu sərgiləməyə bilər:
"Bir futbolçu keçmiş komandasına qarşı oynayanda çox zaman istəkli olmur. Droqba çox fərqli hisslərlə bu matça çıxacaq. Azarkeşlər onu alqışlayacaqlar. Buna görə də "Çelsi" ilə görüşdə Droqbanı oynatmaq düzgün deyil. Mən olsam, onu oynatmaram. O, yaxşı futbolçudur, amma bunun insanlıq tərəfi də var".
Milli.Az