Cəmiyyət

Azərbaycan dilli Vikipediya bir pillə də irəlilədi

16 İyun 2017 20:00
0 Şərh     Baxış: 750
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Son bir neçə ildə Vikipedia virtual ensiklopediyasının ana dilimizdə olan bölməsində məqalələrin yaradılmasında böyük fəallıq müşahidə olunur.

AMEA Mərkəzi Elmi Kitabxanasından (MEK) Milli.Az-a bildirildi ki, "Vikipediya virtual ensiklopediyası"nın Azərbaycan dilində olan bölməsində hazırda 119.895 məqalə var. 2014-cü il mart ayının 25-də Azərbaycan dilində Vikipediyada məqalələrin sayı 100.000-i keçmiş və beləliklə, nəticə Vikipediyanın "10.000+" bölməsindən "100.000+" bölməsinə adlamışdır. Bu aktivliyin yaranmasında azərbaycanlı idarəçilərin, eyni zamanda vikipediyanın könüllü istifadəçilərinin mühüm rolu olmuşdur.

Məqalələrin yaradılmasını əks etdirən reytinq cədvəlində son göstəriciyə görə Vikipediyanın Azərbaycan dilində olan bölməsi 2017-ci il iyun ayının 1-də 55-ci pilləyə yüksəlib. Hazırda Vikipediya virtual ensiklopediyası 295 dildə fəaliyyət göstərir. Mövcud siyahıya görə Azərbaycan dilli Vikipediya, hind dilində olan Vikipediyanı bir pillə üstələyib. Vikipediya elektron ensiklopediyasının Azərbaycanda kütləviləşdirilməsi istiqamətində dinamik inkişafı təmin etmək və daha yüksək nəticələr əldə etmək üçün MEK-in Sərbəst Elektron Resuslarla iş şöbəsinin əməkdaşları akitv fəaliyyət göstərirlər. Bu məqsədlə əməkdaşlar tərəfindən müntəzəm olaraq vikipediya ilə bağlı seminarlar, görüşlər və tədbirlər təşkil edilir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.