Cəmiyyət

Niyə Qədr gecələrinə “əhya gecələri” deyilir?

17 İyun 2017 08:35
7 Şərh     Baxış: 1 994
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ərəb dilində "əhya" (daha dəqiqi "ihya") diriltmək, canlandırmaq mənalarını verir. Bu söz həm də oyaqlıq mənasını ifadə edir. Gecə yatmayan, oyaq qalan şəxsə də bu sözü aid edirlər. Dini mətnlərimizdə yuxu kiçik ölüm kimi təsvir edilir. Yuxu zamanı ruh qismən bədəndən çıxır, daha sonra Allahın izni ilə bədənə qayıdır. Ona görə də yatmaq ölümə, oyaq qalmaq isə diriliyə bərabər tutulur.

Milli.Az islam.az-a istinadən bildirir ki, Qədr gecələrində oyaq qalmaq, bütün gecəni və ya heç olmasa gecənin bir hissəsini dua, ibadət və təfəkkürlə keçirmək, dini fəaliyyətlə məşğul olmaq savabdır. Müsəlmanlar bu gecələrdə məscidə yığışır, kütləvi şəkildə dualar oxuyur, müstəhəb ibadətlər edir, alimlərin xütbələrini dinləyirlər. Qədr gecələrini evdə keçirənlər də fərdi şəkildə ibadət edir, dini ədəbiyyat oxuyur, dini söhbətlər edirlər. Adətən, insanlar bu gecələrdə oyaq qaldıqlarına görə, xalq içində Qədr gecələrinə "əhya gecələri" deyirlər.

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.