Cəmiyyət

Oruc tutanlar susamamaq üçün nə etməlidir?

27 May 2017 19:10

6 Şərh Baxış: 3 457

#DİN #RAMAZAN

Oruc tutanlar susamamaq üçün bunu oxusun

Ramazan ayı yay aylarına düşdüyü üçün oruc tutanların əsas çətinliyi susuzluq olaraq bilinir. İslam.az ANS-ə istinadla bu barədə bəzi məsləhətləri nəzərinizə çatdırır.
Milli.Az islam.az-a istinadən bildirir ki, qidaların həzminin asanlaşması və növbəti gün susuzluq hissinin yaşanmaması üçün yemək arasında kifayət qədər maye qəbul edilməli və mümkün olduğu qədər sulu yeməklər seçilməlidir. Sahurda 3 stəkan, iftardan sonra da hər saat bir stəkan su içilməlidir. Susuzluğu aradan qaldırmaq üçün meyvə şirəsi, turşulu içkilər yerinə bol-bol su qəbul edilməlidir. Çay və qəhvədən istifadə yeməkdən 45 dəqiqə sonra edilməlidir.
Ramazanda susuzluğu aradan qaldırma
Havaların isti keçdiyini nəzərə alaraq, susamamaq üçün mütləq maye qəbul etmək lazımdır. Yaxşı, oruclu ikən susamamaq və susuzluq hissi çəkməmək üçün nələr edə bilərik?
Sahurda nələri yeməliyik, susamamaq üçün nələr etməliyik?
* Sahurda duzlu və yağlı yeməklərdən qaçının.
* Qızartmalardan uzaq durun
* Sahuru uzun edin. 15 dəqiqəyə sahur etməyin.
* Sahur yeməyi yeyərkən arada, 1-2 litr su için.
* Sahurda xiyar və qarpız kimi su nisbəti yüksək qidalar qəbul edin
* Sahur yeməyini bitirməzdən əvvəl bir çay stəkanında dəmlədiyiniz çayı için.
* Bunu edə bilmirsinizsə, bol su qəbul etməyə çalışın.

Milli.Az

Digər maraqlı xəbərlər Milli.Az-ın Facebook səhifəsində