Cəmiyyət

"2 bakal pivə ilə nə olur?" - Sərxoş sürücü polislə mübahisə etdi - VİDEO - FOTO

27 Aprel 2017 17:24
2 Şərh     Baxış: 1 719
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Sürücü məsuliyyətsizliyinin gətirdiyi bəlalardan kifayət qədər söz açmışıq.

Milli.Az ARB TV-yə istinadla xəbər verir ki, ancaq görünən odur ki, nəticə çıxarmayanlar, başqasının həyatını heçə sayanlar hələ də var.

Sumqayıt şəhər Dövlət Yol Polisi İdarəsinin əməkdaşları belə sürücülərdən birini saxlayıblar. Onun sərxoş vəziyyətdə mikroavtobus idarə etdiyi məlum olub.

Bakı - Sumqayıt marşrutu ilə hərəkət edən mikroavtobus Dövlət Yol polisi əməkdaşları tərəfindən sürət həddini aşdığına görə saxlanılıb. Məlum olub ki, içərisində 11 sərnişin olan avtobusun sürücüsü 41 yaşlı Rövşən Əliyev spirtli içki qəbul edib.

Sürücü Rövşən Əliyev iki şüşə pivə qəbul etdiyini etiraf etsə də, sərxoş olmadığını idda edib.

Rövşən Əliyev - Sürücü: "2 bakal pivə ilə nə olur? Çox olur bəyəm? Mən axşamdan 2 butulka içmişəm".

Sərxoş vəziyyətdə sərnişin daşıma ilə məşğul olan sürücüyə qarşı qanunun tələblərinə uyğun olaraq müvafiq tədbirlər görüləcək. Xatırladaq ki, mart ayında eyni marşrutla hərəkət edən "Ford" tranzit markalı avtobus sürücüsünün sürət həddini aşması və ötmə əməliyyatını düzgün həyata keçirməməsi nəticəsində 6 nəfər dünyasını dəyişib.

Milli.Az

Digər maraqlı xəbərlər Milli.Az-ın Facebook səhifəsində

Videonu izləmək üçün şəklə klikləyin:

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.