Kəmər taxmadığına görə sərnişinə yazılan protokol sürücünün ünvanına göndərilib.
Milli.Az bildirir ki, hadisə İmişli rayonu Əliqulular kənd sakini Bəkirov Rəşadın başına gəlib. O bildirir ki, bir müddət əvvəl İmişli ərazisində avtomobil idarə edərkən polis onu saxlayıb və kəmər taxmadığına görə sərnişinini cərimə edəcəyini bildirib.
Ancaq bir müddət keçəndən sonra protokol sürücünün ünvanına göndərilib. Sürücü protokola baxdıqda aydın olub ki, həmin cərimə sərnişinə yox sürücüyə yazılıb.
Sürücü cərimə olunarkən yol polisinin ona heç nə demədiyini və ancaq sərnişinin cərimələndiyini zənn edib. Daha sonra məlum olub ki protokolda cərimələnən sərnişin sürücü kimi yazılıb. Halbuki, vətəndaş maşını özü idarə etdiyini deyir.
Ekspert Ərşad Hüseynov sərnişinin kəmərdən istifadə etmədiyinə görə sürücünün cərimələnməsinin qaydalara zidd olduğunu deyir. Ekspertin sözlərinə görə, sürücü yazılı ərizə yazaraq ona yazılan cərimənin əsassız olduğunu sübut edə bilər. /xezerxeber.az
Milli.Az