Cəmiyyət

Metroda baş verən terror aktından 23 il ötür

19 Mart 2017 22:24
8 Şərh     Baxış: 2 389

Terror aktı faktı üzrə 11 adam cinayət məsuliyyətinə cəlb edilib, onlardan ikisinə ölüm hökmü verilib.

1994-cü il mart ayının 19-da 13:00-da "20 Yanvar" metrostansiyasında partlayış olub. Qatarın baş vaqonuna qoyulmuş saat mexanizmli əldə düzəltmə bomba qatar stansiyada dayananda işə düşüb.

Terror aktı zamanı 14 nəfər ölüb, 49 nəfər yaralanıb. Terror aktının icraçısı Oqtay Qurbanov partlayış zamanı ölüb. Həlak olanlar arasında xalq artisti Rafiq Babayev də olub. Partlayışdan metro stansiyasının tavanı bəzi hissələrdə çöküb.

Milli.Az bildirir ki, cinayətin törədilməsində şübhəli bilinən "Sadval" Ləzgi Milli Hərəkatının üzvləri həbs edilib.

İstintaqın nəticələrinə görə terror aktını təşkil edən və törədənlər Ermənistan xüsusi təyinatlı orqanları ilə əlaqəli idilər və hazırlığı bu ölkədə keçiblər. Terror aktı faktı üzrə 11 adam cinayət məsuliyyətinə cəlb edilib, onlardan ikisinə ölüm hökmü verilib, doqquz nəfər isə müxtəlif müddətə azadlıqdan məhrum edilib.

1994-cü ilin iyul ayının 3-də Bakı metrosunda ikinci terror aktı oldu. 8:30-da "28 May" stansiyasından çıxan, "Gənclik" metrostansiyasının platformasından 500 metr qalmış, elektrik qatarının vaqonunda bomba partladı. Partlayışdan sonra qatarın vaqonları alışdı. Teror aktı nəticəsində 13 nəfər həlak oldu, 58 nəfər yaralandı.

"28 May" və "Gənclik" metrostansiyaları arasında partlayışın təşkil edilməsi faktı ilə fakt üzrə Moskvada Azərbaycan vətəndaşı Azər Aslanov həbs edildi. 1997-ci ilin 29 noyabr tarixində onu Azərbaycana göndərdilər. 1998-ci ildə Aslanov bu teror aktını keçirmək göstərişini erməni əsirliyində olarkən, publisist Zori Balayandan aldığını dedi.

Məhkəmə ona ömürlük həbs cəzası verdi. İstintaq müəyyən etdi ki, terror aktının təlimatçıları Ermənistanın xüsusi təyinatlı orqanlarının əməkdaşları polkovnik Karen Baqdasaryan və kapitan Seyran Sarkisyan olub. Aslanovun bəyanatına əsaslanaraq Azərbaycan məhkəməsinin qərarı ilə Balayana qarşı cinayət işi açılıb.

1999-cu ildə Azərbaycan Baş Prokurorluğunun təqdimatı əsasında İnterpol publisisti xüsusi təhlükəli cinayətkar kimi beynəlxalq axtarışa verib, sonra isə Azərbaycan prokurorluğu onu MDB ölkələrində dövlətlərarası axtarışa verdi.

Amma 2001-ci ildə İnterpol məsələyə yenidən baxaraq Balayanı axtarılan şəxslər siyahısından sildi.

Milli.Az

Digər maraqlı xəbərlər Milli.Az-ın Facebook səhifəsində

DİGƏR XƏBƏRLƏR

Şərh yaz:

8 Şərh:

  • Anonim
    Esl Men · 19 Mart 22:2720

    Allah rehmet elesın... o vaxtı bızım qphum da rehmete getdı yazıq yoldası psıxolojı mehv olub o vaxtdan.. emım de vaqonds ıdı amma o sag qalmısdu sukur

    Cavab yaz
    • Anonim
      Tebiet · 19 Mart 22:4530

      Özüdə bayrama 1 gün qalmış ediblər vəhşilər. Allah rəhmət eləsin orda həlak olanlara eləcə də sizin qohuma Əsl Mən.

      Cavab yaz
  • Anonim
    Musviq · 19 Mart 22:3430

    Moderator xanim cox sagolun melumatiniz ucun Buda ermeni vehsiliyinin 1 subutu Dunya birliyinin gozune girmek ucun min cur yalan uyduran ermenilerin ic uzunu acmaq lazimdir ki butun dunya bunlarin bizim xalqa qarsi etdiyi vehsilikleri gorsunler

    Cavab yaz
  • Anonim
    Səma · 19 Mart 22:3400

    Bu xəbəri indi verərlər? Ayın 20-i oluree. Nəysə, sapı özümüzdən olanlar və düşmənlərin bu əməlləri nə vaxt öz layiqini tapacaq?

    Cavab yaz
  • Anonim
    Səma · 19 Mart 22:3600

    Sonra da ermənilər hər yerdə yazırlar ki, siz terrorist millətsiniz.

    Cavab yaz
  • Anonim
    ... · 19 Mart 22:5800

    Interpola bax e cineyatkari axtarilan sexsler arasinan silib onun o olenlerin ahi tutsun olari ele zelil gune qalsin ele.

    Cavab yaz
  • Anonim
    veten · 19 Mart 23:0220

    Alcaqlar sapi ozumuzden olan baltalar ermeni itine satilmis xainler qirib camaatimizi

    Cavab yaz
  • Anonim
    Humay Rumi · 21 Mart 00:4100

    Allah rehmet etsin.Ele bu yaxinlarda bir agbrcey bir xanimla rastlawdim hemen o xaniminda oglu terrorun qurbani olmuwdur.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.