Cəmiyyət

Heydər Əliyev Fondunun təşəbbüsü ilə aztəminatlı ailələrə Novruz sovqatları paylanılıb - FOTO

17 Mart 2017 20:16
Baxış: 1 130

Heydər Əliyev Fondu tərəfindən Novruz bayramı münasibəti ilə aztəminatlı ailələrə bayram sovqatları paylanılıb.

Milli.Az Trend-ə istinadən bildirir ki, Heydər Əliyev Fondunun prezidenti Mehriban Əliyevanın təşəbbüsü ilə həyata keçirilən layihə respublika üzrə ünvanlı sosial yardım alan bütün ailələri əhatə edib.

Müxtəlif ərzaq məhsullarından ibarət bayram sovqatları martın 17-dək respublika üzrə 165 mindən çox aztəminatlı ailəyə təqdim olunub. Fondun bayram sovqatları bütün şəhər və rayonlarda aztəminatlı ailələrin evlərinə çatdırılıb, sakinlər bayram münasibətilə təbrik olunub.

Heydər Əliyev Fondu və Fondun təsis etdiyi Regional İnkişaf İctimai Birliyinin bu birgə layihəsi Azərbaycan Respublikası Dövlət Neft Şirkətinin dəstəyi ilə həyata keçirilib.

Xatırladaq ki, Heydər Əliyev Fondunun təşəbbüsü ilə 2016-cı ildə də respublika üzrə bütün ünvanlı sosial yardım alan ailələrə 31 dekabr - Dünya Azərbaycanlılarının Həmrəylik Günü və Yeni il bayramları münasibətilə bayram sovqatları paylanılmışdı. Bununla yanaşı, Bakının 12 rayonunda, eləcə də respublikanın bir sıra rayon və şəhərlərində sosial yardıma ehtiyacı olan minlərlə şəxs üçün bayram süfrələri təşkil olunmuş, iştirakçılara hədiyyələr verilmişdi.

Milli.Az

Məqaləyə dair fotomateriallar:

DİGƏR XƏBƏRLƏR

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.