Cəmiyyət

Niyyət etmək bidətdirmi?

18 Mart 2017 20:15
7 Şərh     Baxış: 587

Niyyət etmək bidət deyil, sadəcə niyyəti dil ilə tələffüz etmək bidətdir. İslama görə niyyətin yeri qəlbdir. Ümumiyyətlə, niyyət məqsəd deməkdir. Bir əmələ niyyət etmək o əməli yerinə yetirmək məqsədi olmaq deməkdir. Məqsəd varsa, artıq niyyət də var. Məsələn, səhər sübh namazı qılmaq məqsədilə yerinizdən durub dəstəmaz alırsınızsa, deməli, sübh namazı qılmağa artıq niyyət etmisiniz. Yəni, dil ilə deməyə ehtiyac yoxdur. Peyğəmbərimiz (Ona və ailəsinə Allahın salavatı və salamı olsun) belə buyurub: "Bütün əməllər ancaq niyyətlərə görədir. Hər bir insan niyyət etdiyini əldə edir". (əl-Buxari, 1). Nə Peyğəmbərimiz (Allahın ona və ailəsinə salavatı və salamı olsun), nə də onun səhabələri (Allah onlardan razı olsun) niyyəti dil ilə deməmişlər. Bu barədə heç bir Quran ayəsi və ya səhih hədis yoxdur. Dinimizə görə niyyətin yeri qəlb, onu dil ilə tələffüz etmək isə bidətdir (dində yenilik). Niyyəti dilə gətirmək Peyğəmbərdən (salləllahu aleyhi və səlləm) sonra dinə gətirilən yenilikdir. Buna dində bidət deyilir. Milli.Az zikr.az-a istinadən bildirir ki, Peyğəmbər (Ona və ailəsinə Allahın salavatı və salamı olsun) demişdir: "Kim bizim bu dinimizə onda olmayan bir şeyi icad edərsə, o qəbul olunmayacaq". (əl-Buxari, 2697).
İslam alimləri deyirlər: "Qüsl, təyəmmüm, namaz, oruc, zəkat və s. ibadətlərə niyyət edərkən, dil ilə tələffüzün olmamasında mötəbər islam alimləri ittifaq etmişlər, hətta onların ittifaqına görə niyyətin yeri qəlbdir. Peyğəmbər (salləllahu aleyhi və səlləm), nə də müsəlmanlardan heç kəs buyurmayıb ki, niyyəti dil ilə tələffüz edin. Əgər bu şəriətlə icazəli olsaydı, Peyğəmbərimiz (salləllahu aleyhi və səlləm) onu əsla unutmazdı. Hətta niyyəti dil ilə tələffüz etmək ağla və dinə də bir nöqsandır. Belə ki, dində bu bidətdir (yenilikdir), əqli cəhətdən isə bu bir kəsin yemək yemək istəyinə bənzəyir və o deyir: Niyyət edirəm ki, əllərimi bu qaba salım bu tikəni götürüm və onu ağzıma qoyuram ki, onu çeyniyim, sonra uduram ki doyum. Kim belə bir şey edərsə, onun ədəbləndirilməsi və bidəti etiqad etməkdən çəkindirilməsi gərəkdir". (əl-Fətəva əl-Kubra kitabı, 1/214-215).
Niyyət dil tələffüz etmək yalnız həcc və ümrə ziyarətlərində isə icazəlidir. Bu da səhih rəvayətlərlə öz təsdiqini tapıb.
Milli.Az

Digər maraqlı xəbərlər Milli.Az-ın Facebook səhifəsində

DİGƏR XƏBƏRLƏR

Şərh yaz:

7 Şərh:

  • Anonim
    Əli proqnoz.№ · 18 Mart 20:1700

    Dindar olmağın düsturu

    Cavab yaz
  • Anonim
    Əli proqnoz.№ · 18 Mart 20:1900

    Dinə çox sayda tərif verilmişdir. Bu təriflərin sayı o qədər çoxdur ki, onları bir yerə toplamaq mümkün deyildir. Çünki din, insanın xilqəti ilə onunla bir yerdə olmuşdur. Ən ibtidai halından ən kamil halına qədər dəyişmişdir. Ona görə də dinə tərif vermək çox çətindir. Hər bir halda deyə bilərik ki, din – aləmlərin və insanın Yaradıcısına etiqadın olması və bu əqidə ilə bağlı əməllər və göstərişlərdir. Ona görə də o kəslər ki, dünyanın və ya insanın Allahdan qeyrisi tərəfindən və ya təsadüfü olaraq yarandığını düşünürsə, onu dinsiz adlandırırlar.

    Cavab yaz
  • Anonim
    Əli proqnoz.№ · 18 Mart 20:2000

    1. Hər bir dinin iki hissəsi olar: əqidəsi ki, dinin köklərini təşkil edər.

    Cavab yaz
  • Anonim
    Əli proqnoz.№ · 18 Mart 20:2100

    2. Əməli göstərişləri və əhkamı. İslam alimləri ona görə dini üsuliddin və firuddinə bölüblər. Bu deyilənləri nəzərə alaraq deyə bilərik ki, dindar insan o kəsdir ki, aşağıdakı 3 əsasa etiqadı olsun və ona əməl etsin:

    Cavab yaz
  • Anonim
    Əli proqnoz.№ · 18 Mart 20:2300

    2. Nəfsini islah etmək və gözəl əxlaq sifətlərinə bürünmək. Bu əməli onun fərdi, ictimai, dünya və axirət səadətinə birbaşa təsir göstərər.

    Cavab yaz
  • Anonim
    Əli proqnoz.№ · 18 Mart 20:2300

    3. İlahi əhkama əməl etmək. Xüsusilə də vacibatlara əməl etmək və haramlardan çəkinmək. Bütün bunlar İlahi qürbə çatmaq üçün zəruridir.

    Cavab yaz
  • Anonim
    Əli proqnoz.№ · 18 Mart 20:2400

    Ona görə də deyə bilərik ki, hər kim din aləminə qədəm basır və ixlasla Allaha iman gətirir və Onun əmrlərinə təslim olur – həqiqi dindar sayılır. (İslami saytlara istinadən)

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.