Cəmiyyət

Maksimum sürəti saatda 120 km. olan maşın 122 ilə necə radara düşüb..

9 Mart 2017 21:05
3 Şərh     Baxış: 1 743
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Avtomobilin maksimum sürəti saatda 120 km-dir, ancaq o, saatda 122 -lə radara düşüb. Təəccüblü hadisə Sabirabad sakininin başına gəlib. Sürücü onun ünvanına gələn protokolda texniki səhvin olduğunu iddia edir.

Milli.Az xezerxeber.az-a istinadən bildirir ki, Sabirabad sakini Kərim Hüseynovun ünvanına bu məktub göndəriləndə o, xeyli təəccüblənib. Çünki onun yük maşını saatda maksimum 120 km sürətlə gedə bilir.
Sürücüyə göndərilən məktubda isə qeyd olunur ki, o, sürət limiti saatda 60 km olan yerdə bu həddi aşıb və saatda 122 km sürətlə hərəkət edib.
Kərim Hüseynov bildirir ki, yük maşını ilə qeyd olunan sürətə çatması mümkün deyil.
Vətəndaş onun ünvanına gələn protokolda texniki səhvin olduğunu iddia edir.
Məsələ ilə bağlı Baş Dövlət Yol Polisi İdarəsinin bölmə rəisi Kamran Əliyev "Xəzər Xəbər"ə bildirib ki, vətəndaş onlara müraciət etsin. Araşdırıldıqdan sonra sürücü haqlı çıxarsa, tərtib olunan cərimə protokolu ləğv olunacaq.

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.