Naxçıvan-İqdır avtomobil yolunda baş vermiş qəza nəticəsində ölən azərbaycanlılardan biri Naxçıvan Universitetinin tələbəsi olub.
Milli.Az Naxcivanxeberleri.com-a istinadən xəbər verir ki, Fərhad Fərhadlı universitetin Maliyyə ixtisası üzrə 4-cü kurs tələbəsi idi. O, Ordubad rayonunun Kotam kəndində doğulmuşdu.
Valideynləri Türkiyədə yaşadığı üçün o Naxçıvana təhsilini davam etdirməyə qayıdırdı.
Dünyasını dəyişənlərdən 3 nəfərinin adı məlum olub. Bunlar Fərhad Fərhadlı, Süleyman Əliyev və Zivər Səfərovadır.
Milli.Az