Cəmiyyət

Dustaqlara çip taxılacaq - Xeyli məhkum azadlığa çıxa bilər - VİDEO

17 Fevral 2017 23:02
Baxış: 3 612

Ev dustaqlığına buraxılacaq şəxslərə elektron qolbaqlar və ya dərilərinin altına implant qaydada cihazlar yerləşdirilə bilər. Milli.Az xezerxeber.az-a istinadən bildirir ki, bununla bağlı hazırda bir neçə ölkənin təcrübəsi öyrənilir.

Prezidentin insan hüquq və azadlıqlarının genişləndirilməsi üçün penitensiar xidmət sahəsində həyata keçiriləcək islahatlarla bağlı sərəncamından danışan Ədliyyə Nazirliyinin Penitensiar Xidmətinin rəis müavini Hüseyn Əlixanov belə deyib. Onun sözlərinə görə, sərəncam bir sıra cəzaların tətbiqindəki problemləri kökündən həll edəcək.

Sərəncam xüsisilə də az ağır və ya ictimaiyyət üçün ciddi təhlükə törətməyən cinayət törədənlər üçün yeni imkanlar açır. Belə şəxslər nizamlı-intizamlı olsalar cəzalarının çəkilməyən hissəsindən azadlığa buraxıla biləcəklər.

General-mayor Hüseyn Əlixanov dövlət başçısının penitensiar xidmət qarşısında qurumun müəssisələrində istehsalın genişləndirilməsi, məşğullun təmin edilməsi ilə bağlı da tapşırıq qoyduğuna diqqət çəkib. Onun sözlərinə görə bunun üçün qabaqcıl ölkələrindən modern idarəetmə sistemindən istifadə ediləcək.

Hüseyn Əlixanov dəyişikliklərin artıq bu ildən tətbiq ediləcəyini bildirib.

Milli.Az

Videonu izləmək üçün şəklə klikləyin:
Dustaqlara çip taxılacaq - Xeyli məhkum azadlığa çıxa bilər

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.