ARB TV-dən millət vəkilinin iradına MÜNASİBƏT

19 Yanvar 2017 12:35

0 Şərh Baxış: 2 301

ARB TV-nin rəsmisi İsmayıl Həsənov Milli Məclisin Mingəçevirdən seçilmiş deputatı Aydın Mirzəzadənin ARB TV-də yayımlanan xəbərlə bağlı iradı haqda açıqlama verib.

Millət vəkili van Damma meydan oxuyan mingəçevirli uşaqdan danışdı - Tərif və tənqid bir arada

İ.Həsənov məsələ ilə bağlı bunları söyləyib: "Qeyd edim ki, sözügedən xəbər 18 yanvar tarixində, ARB TV-nin "Ölkə Xəbər" proqramında efirə gedib. Süjetdə Mingəçevir sakini, 8 yaşlı Nihad Ağayevin istedadı tamaşaçılara çatdırılıb. Hörmətli millət vəkilimiz Aydın Mirzəzadənin həmin süjetlə bağlı açıqlamasında da belə istedadlarımızın tanıdılmasının önəmi vurğulanıb. Bununla yanaşı, deyə bilərəm ki, millət vəkilimiz həmin süjetlə bağlı iradlarında da haqlıdır. Belə ekstremal, təhlükəli tryukların digər şəxslər tərəfindən təkrar olunmaması üçün efir vasitəsilə xüsusi xəbərdarlıq şərhinin qeyd olunmasını zəruri hesab edirik və gələcəkdə bu məsələlərdə daha diqqətli olmağa çalışacağıq".

Milli.Az