Cəmiyyət

21 yaşlı qız Bakıda özünü tələbə kimi təqdim edərək evi soydu - VİDEO

3 Dekabr 2016 21:31
1 Şərh     Baxış: 3 039
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakıda özünü tələbə kimi təqdim edən qız kirayə qaldığı evdən oğurluq edib. O, yaşlı ev sahibinin külli miqdarda dəyəri olan qızıllarını oğurlayıb. Hadisə Nəsimi rayonunda baş verib.

Milli.Az xezerxeber.az-a istinadən bildirir ki, kirayənişin qaldığı evdən oğurluq edib.

Hadisə paytaxtın Nəsimi rayonu Süleyman Rəhimov küçəsində Zəmirə Muxtarovaya məxsus həyət evində baş verib. Zərərçəkmiş Zəmirə Muxtarovanın sözlərinə görə, hadisəni törətməkdə şübhəli bilinən 21 yaşlı Gülnarə Novruzlu bir neçə gün əvvəl tələbə olduğunu deyərək onlarda kirayədə qalıb.

Kirayənişin səhəri gün ev sahibi Zəmirə Muxtarovanın mağazaya getməsini fürsət bilərək, evi qarət edib qaçıb. Zərərçəkmiş qadın mağazadan gələndə Gülnarəni nəvəsindən soruşub.

Zəmirə Muxtarovanın sözlərinə görə, ona təxminən 3 min manata yaxın ziyan dəyib. Qadın oğurluqdan xəbər tutan kimi ərazi üzrə 22-ci polis bölməsinə məlumat verib. Əməliyyatçılar hadisə yerinə baxış keçirib, müəyyən izlər götürüblər. Zəmirə xanım evində kirayədə qalan Gülnarə ilə bağlı bildiyi bütün məlumatları, eləcə də sosial şəbəkədə olan şəkillərini polisə təqdim edib.Faktla bağlı rayon polis idarəsində cinayət işi başlanıb, özünü tələbə və Gülnarə Novruzlu kimi təqdim edən qızın tutulması istiqamətinə əməliyyat keçirilir.

Milli.Az

Videonu izləmək üçün şəklə klikləyin:

21 yaşlı qız Bakıda özünü tələbə kimi təqdim edərək evi soydu

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.