Bu gün "Rossiya 24" informasiya telekanalının aparıcısı Andrey Şlyapnikovun verilişi "Деловое путешествие"("İşgüzar səfər") proqramında Azərbaycanla bağlı reportaj təqdim olunub.
Milli.Az Trend-ə istinadən xəbər verir ki, veriliş bütünlüklə Azərbaycana həsr olunub.
Verilişin əvvəlində aparıcı tamaşaçılara Azərbaycanın paytaxtını təqdim edərək Bakını təzadlar şəhəri adlandırıb.
Proqramda ölkəmizin zəngin tarixi-mədəni irsindən, turizm imkanları haqqında danışılıb.
Reportajda həmçinin, "İçərişəhər"in tarixi abidələri haqqında məlumat verilib.
Proqramın aparıcısı eləcə də Qəbələ, Şəki kimi şəhərlərdə, "Şahdağ" turizm və "Qalaaltı" tibbi-sağlamlıq kompleksində olub.
Andrey Şlyapnikov Azərbaycanda idmanın inkişafına xüsusi diqqət yetirildiyini, habelə nüfuzlu idman yarışları - "Formula 1", Avropa oyunları, Ümumdünya şahmat olimpiadasının keçirilməsindən bəhs edib. O, həmçinin qeyd edib ki, 2017-ci ildə Bakıda IV islam Həmrəylik Oyunları və daha bir mötəbər idman yarışı Avro-2020-nin 1/4 mərhələsinin görüşləri keçiriləcək.
Jurnalist idmandan başqa, Azərbaycan mədəniyyəti və milli mətbəxi barədə də ətraflı məlumat verib.
Milli.Az