Cəmiyyət

Ağcabədidə "Qrad" raketinin döyüş başlığı tapılıb

26 İyun 2016 20:02
0 Şərh     Baxış: 797
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ağcabədi rayonunda "Qrad" raketinin döyüş başlığı tapılıb.

Bu barədə Trend-ə Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) məlumat verilib.

Ağcabədi rayonu

Minəxorlu kəndi - 1 əkin sahəsində 1 partlayış yerinə baxış keçirilmiş, 1 ədəd partlamamış hərbi sursat (9M22U raketinin (Qrad) döyüş başlığı) aşkar edilərək götürülmüş, nəticə etibarı ilə 3 000 kv. m ərazi yoxlanılıb.

Muğanlı kəndi - Qar-Qar çayı sahilində 1 ədəd partlamamış hərbi sursat (BK14-M 125 mm-lik tank mərmisi) aşkar olunub, mərminin daşınması mümkün olmadığı üçün partlayış yolu ilə məhv edilib, nəticə etibarı ilə 12 000 kv. m ərazi yoxlanılıb.

Cəmi: 1 əkin sahəsi və çay sahili, 1 partlayış yeri və 1 təhlükəli əraziyə baxış keçrilmiş, 2 ədəd partlamamış hərbi sursat (9M22U raketinin (Qrad) döyüş başlığı və 125 mm-lik tank mərmisi) aşkar edilmiş, nəticə etibarı ilə 15 000 kv. m ərazi yoxlanılıb.

26 İyun tarixində 1 əkin sahəsinə və çay sahilinə baxış keçirilmiş, 2 ədəd partlamamış hərbi sursat (9M22U raketinin (Qrad) döyüş başlığı və BK14-M 125 mm-lik tank mərmisi) aşkar olunmuşdur. Mərminin daşınması mümkün olmadığı üçün yerində partlayış yolu ilə məhv edilib.

Gün ərzində 15 000 kv. m ərazi təmizlənib.

Ümumilikdə Agentlik tərəfindən 7 Aprel - 26 İyun 2016-cı il tarixlərində Zərdab, Tərtər, Ağcabədi, Ağdam, Füzuli, Goranboy, Tovuz, Qazax, Samux, Şəmkir, Cəlilabad, Ucar, Astara rayonlarında, Mingəçevir, Sumqayıt və Bakı şəhərlərində 619 ev və həyətyanı sahə, 2 hərbi hissə, 2 kənd qəbiristanlığı, 5 kənd orta məktəbi, 1 tibb məntəqəsi, 26 ferma, əkin sahələri və 1 çaxır zavodu ərazisinə baxış keçirilmiş, 1 551 ədəd partlamamış hərbi sursat, 14 ədəd piyada əleyhinə mina (PMN), 3 ədəd piyada əleyhinə POMZ-2 və 8 ədəd tank əleyhinə mina aşkar olunaraq zərərsizləşdirilib.

Hal-hazırda Agentlik tərəfindən yaradılmış xüsusi təyinatlı mobil çevik qrupları minaaxtaran itlərin dəstəyi ilə təmas xəttində yerləşən kəndlərdəki evlərlə yanaşı məktəblər və digər obyektlərin yerləşdiyi ərazilərdə əməliyyatları davam etdirir.

Milli.Az

Məqaləyə dair fotomateriallar:

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.