Cəmiyyət

Qənbər daşlı yollar bərpa olunur, hərəkət məhdudlaşdırılır

26 İyun 2016 11:57
6 Şərh     Baxış: 4 621
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakıda iyunun 17-19-da keçirilən "Formula 1" üzrə yarışlarla əlaqədar asfaltlanmış qənbər daşlı yollar əvvəlki vəziyyətinə qaytarılacaq.

Bu barədə Milli.Az-a Daxili İşlər Nazirliyi (DİN) Bakı Şəhər Baş Polis İdarəsinin Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovniki Vaqif Əsədov deyib.

Onun sözlərinə görə, əvvəlcə Niyazi küçəsindəki hissədə təmir işləri görülür: "Bu gündən etibarən Niyazi küçəsindəki Azneft meydanından İstiqlaliyyət küçəsi ilə kəsişməsinədək hissədə təmir işlərinə başlanıb. Asfalt qatı qaşınaraq yol əvvəlki, qənbərli vəziyyətə gətirilir. Bununla əlaqədar yolda nəqliyyatın hərəkəti tam məhdudlaşdırılıb, istiqamət dəyişdirilib".

V.Əsədov qeyd edib ki, təmir işləri ilə bağlı Şeyx Şamil küçəsindən İstiqlaliyyət küçəsinə hərəkət yalnız sol istiqamətdə mümkün olacaq, sağa hərəkət isə məhdudlaşdırılıb.

Onun sözlərinə görə, daha sonra Əziz Əliyev küçəsinin Qoşa Qala qapısı önündəki hissəsində də asfalt qatı qaşınacaq, yolun qənbər daşlı hissəsi bərpa ediləcək.

İlkin İzzət
Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.