Cəmiyyət

Ən təhlükəli evlilik: “Necə olsa, sevərəm”

26 İyun 2016 22:20
31 Şərh     Baxış: 2 922
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ən təhlükəli evliliklər "Necə olsa, sevirəm!" düşüncəsi ilə başlayan evliliklərdir. Əlbəttə ki, "Tanımadığım adamla necə evlənə bilərəm?" - deyə bilərsiniz. Ancaq burada söhbət ümumi tanımaqdan yox, ətraflı tanımaqdan gedir.

Milli.Az zaman.az-a istinadən bildirir ki, hər şeydən əvvəl unutmayın ki, evlilikdə hisslər qədər məntiq də çox vacibdir. Təkcə hisslərinizin səsinə qulaq assanız, çox asan səhvə yol verə bilərsiniz. Buna görə də, evlilik üçün qərar ver-məyə tələsməyin. Bir-birinizi kifayət qədər tanımaq üçün kifayət qədər vaxt ayırmağa çalışın. Təbii ki, burada illərdən söhbət getmir. Bəziləri üçün bu müddət 25 gün, bəziləri üçün isə 3 ay ola bilər. Bir-birinizi tanımaq üçün ayırdığınız vaxtı "vaxt öldürmək" üçün də sərf etməyin. Qarşı tərəfi hansı cəhətləri ilə tanımaq istədiyinizi müəyyən etdikdən sonra vaxt itirmədən ortaq xüsusiyyətlərinizi müəyyən etməyə keçin. Və bu xüsusiyyətlərinizdən gələcək həyatınızda istifadə edib etməyəcəyinizi müəyyənləşdirin. İlk növbədə, sosial mənada bir-birinizə yaxın olmağa çalışın. Qarşı tərəfin sizin "dəyərlərinizi" qəbul etməsi və ya ən azı hörmət göstərməsi də çox vacibdir. Evlilikdən nə gözlədiyinizi qarşı tərəfə əvvəlcədən bildirin və bu məsələ ilə bağlı qarşı tərəfin münasibətini öyrənin. Sizinlə olan münasibətləri ilə yanaşı ümumi davranışlarını da müşahidə edin. Bu, həm də, sizdə onun haqqında konkret bir fikrin formalaşmasına imkan verər. Təbii ki, bu maddələrin sayını artırmaq da olar. Unutmayın ki, evliliyə qədər apardığınız bu müşahidələr sizə, ilk növbədə, gələcək həyatınızdakı "qəzaların" sayını azaltmaq üçün kömək edəcək...
Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.