Azərbaycanda toy karvanı hər kəsin marağına səbəb olub

Bərdədə bir toy karvanı hər kəsin marağına səbəb olub. Belə ki, gəlin gətirmək üçün müasir lüks avtomobillərdən yox, retro avtomobillərdən, daha dəqiq desək, "Qaz -24" volqalardan istifadə olunub. Maraqlıdır ki, təşəbbüs bəyin atasından gəlib.

Ötən əsrin 70-80-ci illərininən prestijli avtomobilləri olan "Qaz-24"lərdən ibarət toy karvanı izləyənlərin marağına səbəb olub.

Bəy və gəlinin qeyri-adi toy karvanı - VİDEO - FOTO

Asim Qocayevin şad günü qeyri-adi olsun deyə atası Rasim Qocayev təşəbbüs göstərib.Gəlini gətirməyə dövrünün ən dəbdəbəli maşını olan volqalarla gediblər.

Avtomobili bəyin atası sürüb. Digər 8 "Volqa" ilə birlikdə Beyləqandan Bərdənin Seyidyusifli kəndinə gəlin gətiriblər. Bu həm bəyin, həm də gəlin Samirə Qocayevanın ürəyincə olub.

Bərdə küçələrində gəzən toy kərvanı sakinlərin də maragına səbəb olub.

Milli.Az "Xəzər Xəbər"ə istinadən mövzu ilə bağlı videomaterialı təqdim edir.