Cəmiyyət

Rəşid Behbudov küçəsində tıxac olmayacaq - VİDEO

28 May 2016 21:17

0 Şərh Baxış: 931

Bakıda böyük küçələrdən birində avtomobillərin sağ zolaq üzrə hərəkəti daimi olacaq.

Söhbət xüsusən də günün pik saatlarında sıxlığın yaşandığı Nəsimi rayonu Rəşid Behbudov küçəsindən gedir.

Milli.Az xezerxeber.com-a istinadən bildirir ki, Bakı Nəqliyyat Agentliyinin İctimayətlə əlaqələr şöbəsinin müdiri Nuridə Allahyarovanın ''Xəzər Xəbər''ə verdiyi məlumata görə, daimi yaşıl işıq sağ zolaqda hərəkət edənlərə şamil ediləcək. Sola, yəni Bakıxanov prospekti ilə Səməd Vurğun küçəsi istiqamətdə hərəkət isə əvvəlki qaydada işıqforla nizamlanacaq.

Bundan başqa, küçə ilə prospektin kəsişməsi də sağ hissədə 1-2 metrə qədər genişləndiriləcək.

Bakı Nəqliyyat Agentliyi, Baş Dövlət Yol Polis İdarəsi və ''Azəravtoyol'' Açıq Səhimdar Cəmiyyətin əməkdaşları yaxın günlərdə bu ərazidə işlərə start verəcəklər.

Milli.Az

Videonu izləmək üçün şəklə klikləyin: