Cəmiyyət

Gömrük yoxlamaları asanlaşdırılır - VİDEO

6 May 2016 22:47
1 Şərh     Baxış: 1 543
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Gömrük sistemində işlərin sürətləndirilməsi və prosedurların sadələşdirilməsi istiqamətində işlər aparılır". Milli.Az ANS TV-yə istinadən bildirir ki, bu barədə Dövlət Gömrük Xidməti rəhbərinin müavini Şahin Bağırov jurnalistlərə məlumat verib.

"Hazırda biz iki layihə əsasında bunu həyata keçiririk. İlk növbədə ABŞ-ın ixrac nəzarəti və sərhəd təhlükəsizliyi proqramı çərçivəsində bir sıra avadanlıqlar verilib. İkinci növbədə isə Atom Enerjisi Üzrə Beynəlxalq Agentlik ilə bizim bərabər layihəmiz əsasında radioloji nəzarətin həyata keçirilməsi üçün verilən texniki vasitələrdir. Həmin texniki vasitələr eyni zamandan laborator müayinələrin aparılması üçün də istifadə ediləcək. Bu avadanlıqlardan həm keçid məntəqələrində, həm də Bakı Baş Gömrük İdarəsində istifadə olunacaq", - deyə Şahin Bağırov diqqətə çatdırıb.

Yeri gəlmişkən, bu gün Bakı Baş Gömrük İdarəsinin yeni inzibati binası istifadəyə verilib. Yeni bina ilə yanaşı gömrük yoxlamalarını asanlaşdırmaq üçün yeni avadanlıqlar da alınıb. Binanın struktruna 10 şöbə, 10 gömrük postu və 9 bölmə daxildir. 360 əməkdaşın çalışacağı bu yerdə müasir avadanlıqlar vasitəsilə mallar elektron formada bəyan olunduqdan sonra qeydə alınacaq.

Milli.Az

Videonu izləmək üçün şəklə klikləyin:

Gömrük yoxlamaları asanlaşdırılır

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.